PortalGuarani.com
Inicio El Portal El Paraguay Contáctos Seguinos: Facebook - PortalGuarani Twitter - PortalGuarani Twitter - PortalGuarani
JUAN MAIDANA (+)

  POESÍAS (De ANTOLOGÍA DE POESÍAS EN GUARANÍ por RUDY TORGA) - Año 1998


POESÍAS (De ANTOLOGÍA DE POESÍAS EN GUARANÍ por RUDY TORGA) - Año 1998

JUAN MAIDANA
 

 

 


PETEI JEVYNTE
Peteĩ jevy iko'ẽ purahei ipotypáva
Oveve guyra jurúgui ha he'i chéve ipype:
"Oimeha che raperãme ajuhu vaerã upe ára
Mborayhugui oñemondéva che tavy vaerã hese".
.
Ha voieténte upégui asẽvo kuarahy'ãme
Rohecha ku tupãsýicha nañomi reñembo'y
Mba'eyru reha'ãrõvo mbykymi ñaime haguãme
Ha'upegui che rejárna ko yvy apére tyre'ỹ.
.
Ñemo'ã voínte uperõ omano vaekue che ára
Mba'eyrupe rejupirõ che aho'ivaicha pytũ
Nde jyva che mbo'adióva ñembyasýpe che nupãva
Ha upe ñaimehaguégui ndaikatumo'ãi aju.
.
Ha uperõ vy'a'ỹ kuarahy ave omo'ãva
Che reságui rekañyvo reraha pe imimbikue
Ha ka'aru ave ojayvývo, oguejy ja oike haguãma
Hesaype pytãhagui oñehẽ che javeve.
.
Ha upégui pytũmby vaicha jasyndive oñehẽva
Anína resẽ che ári che rasẽ porã haguã?
Ha jasy vaicha aveínte ñemo'ã ku ojeruréva
Pyharépe ijao hũre hataindy ñemonderã.
.
Ñemo'ã hũveravéva pyhare ojahe'oségui
Guyrami mante ikehápe oñembo'eramo ahendu
Ha oveve vaicha upévo amoite "Piketekuégui"
Ne ñe'ẽ che mopirĩva ogueru norte yvytu.
.
Ha ko'agã che ko'ẽ che ñe'ẽvaicha ipotyrõ
Ojera jevy pyahúta kuarahy resẽ jajái
Ha "Elisa" opurahei ha amo yvága ohupytývo
Pe nde réra "Tupãsyme" yvytu oguero pojái.
.
CHE MBYJA REKO PANAMBIPE
Ñembyasy ipepo jepoyhuva
Vy'ami recove pykuaha,
Oheka co ñandeicha oyuayhuva,
Oipotá ñemyrõ mymbarã.
.
Ka'arurõ iñarõiterasava
Oipotanteko asẽ aha reí.
Puraheipe ñoite ambohasáva,
Pe nde rera ahenoi che año mi.
.
Pyharerõ aguapy ñasaindype
Cheañoiteke, taime, ta vy'a.
Ojapo chendive pe Jasype
Mandu'a, nderehe, mbaraka.
.
Ñemo'ã upeyave yvotytype
omimbava hogue kuera mi.
Ha vy'a, purahei, jerokype
Nerenoiva yvytundie aveí.
.
Peteĩ ipoty porãveva
Ojayvy oñañuavo ambue
Oikytyvo ojuehe hogue kuera
Vaicha cheve he'i hyapukué.
.
Mborayhu ne ñe'e omomimbiva
che ryakuã oguerahata ichupe.
Ne mbyya ku heko panambiva
To jajai kuarahyicha ipype.
.
NDIKATU MO'ÃI ROHECHAREI
Rohecharei ndikatu mo'ãgui
Peinama ipoty nde jeguakarã
Heñoiva ñe'ẽ che agã ruguagui
Toiko nde pepore nde vy'a irurã.
.
Oñanirogua kuarahy resare
Panambivera nde rekove kue
ha nde jejokoi oĩ nde guatare
che juru rekava romoñe'esẽ.
.
Mara piko peicha che renonde'a
Teko jeroky rero saraki.
Reipyaha chugui mborayhu nuha,
che jura haguã re mbo sako'ĩ.
.
Ipahape agã jaha jahavevo
Ndentema yvy'ari porã rerekuá.
Nderesa ipayeva che rehe oma'evo
Ijajaipaitepe che resapepa.
.
Ha ojapeheve repukavy mirõ
Ne rembe ojeravo nde juro yke.
Umiva apytegui ne ñe'ẽ otirivo
Che kytĩ rasy mborayhu kyse.
.
Fuente: ANTOLOGÍA DE LAS MEJORES POESIAS EN GUARANÍ. Selección e Introducción: RUDY TORGA. Editorial El Lector, Asunción-Paraguay, 1998 (pp.214)
 
 
 
 
 
 
 
 
 
 
 
 
 




Bibliotecas Virtuales donde se incluyó el Documento:
LIBROS,
LIBROS, ENSAYOS y ANTOLOGÍAS DE LITERATURA PA
IDIOMA
IDIOMA GUARANÍ - POESÍAS - MÚSICAS - ESTUDIOS



Leyenda:
Solo en exposición en museos y galerías
Solo en exposición en la web
Colección privada o del Artista
Catalogado en artes visuales o exposiciones realizadas
Venta directa
Obra Robada




Buscador PortalGuarani.com de Artistas y Autores Paraguayos

 

 

Portal Guarani © 2024
Todos los derechos reservados, Asunción - Paraguay
CEO Eduardo Pratt, Desarollador Ing. Gustavo Lezcano, Contenidos Lic.Rosanna López Vera

Logros y Reconocimientos del Portal
- Declarado de Interés Cultural Nacional
- Declarado de Interés Cultural Municipal
- Doble Ganador del WSA